- اُردُو لفظ شاعری - Urdu Lafz Shairi شعر و شاعری کی دُنیا میں خوش آمدید
جمعرات، 10 اگست، 2017
مسکرا کر خطاب کرتے ہو - - عدم
مسکرا کر خطاب کرتے هو
عادتیں کیوں خراب کرتے هو
مار دو مجھ کو رحم دل هو کر
کیا یہ کارِ ثواب کرتے هو
مفلسی اور کس کو کہتے هیں
دولتوں کا حساب کرتے هو
صرف اک التجا هے چھوٹی سی
کیا اسے باریاب کرتے هو؟
هم تو تم کو پسند کر بیٹھے
تم کسے انتخاب کرتے هو
خار کی نوک کو لہو دے کر
انتظارِ گلاب کرتے هو
یہ نئی احتیاط دیکھی هے
آئینے سے حجاب کرتے هو
کیا ضرورت ہے بحث کرنے کی
کیوں کلیجہ کباب کرتے هو
ہو چکا جو حساب هونا تھا
اور اب کیا حساب کرتے هو
اک دن اے عدم نہ پی تو کیا
روز شغلِ شراب کرتے هو
کتنے بے رحم هو عدم تم بھی
ذکرِ عہدِ شباب کرتے هو
هو کسی کی خوشی گر اس میں عدم
جرم کا ارتکاب کرتے هو
عبدالحمید عدم
Labels:
پسندیدہ غزلیں,
سید عبدالحمید عدم