ناگ ناگن ہیں باغ میں شاید ۔ ۔ جبار واصف

ہراس ...

ناگ ناگن ہیں باغ میں شاید

زہر آمیز قربتیں جن کی

کر رہی ہیں سنپولیے پیدا

کوئی پوچھے تو یہ سپیروں سے

کیسے ممکن ہے سیر گلشن کی؟

سانپ لٹکے ہوں جب درختوں سے!

۔ ۔ ۔

جبار واصف

میں ریزگاری بھی گلّے میں ڈال دیتا ہوں ۔ ۔ جبار واصف

میں ریزگاری بھی گلّے میں ڈال دیتا ہوں

مجھے خبر ہے کہ بیٹی کی رخصتی کیا ہے

۔ ۔ ۔

جبار واصف

آوارگی کی ساری حدوں سے گزر گیا ۔ ۔ جبار واصف

آوارگی کی ساری حدوں سے گزر گیا

مرنے کے بعد بھی مرا لاشہ نہ گھر گیا

۔ ۔ ۔

پھر کس طرح میں پالتا آزار عشق کا

جب میں جواں ہوا تو مرا باپ مر گیا

۔ ۔ ۔

جبار واصف