پتہ پوچھے کوئی میرا عدم تو اس سے کہہ دینا ۔ ۔ عدمؔ

غزل

گلوں سے دوستی ہے ، شبنم ستانوں میں رہتا ہوں 

بڑے دلچسپ اور شاداب رومانوں میں رہتا ہوں 

کنارے پر نہ کیجئے گا زیادہ جستجو میری 

کہ میں لہروں کا متوالا ہوں ، طوفانوں میں رہتا ہوں 

میں دانستہ حقائق کی ڈگر سے لوٹ آیا ہوں 

میں تفریحاً طرب انگیز افسانوں میں رہتا ہوں 

پتہ پوچھے کوئی میرا عدم تو اس سے کہہ دینا 

میں سچے اور بھولے بھالے انسانوں میں رہتا ہوں

سید عبدالحمید عدم