اداسی بھی عدم احساسِ غم کی ایک دولت ہے ۔ ۔ عدمؔ

غزل

تہی بھی ہوں تو پیمانے حسیں معلوم ہوتے ہیں

حقائق سے تو افسانے حسیں معلوم ہوتے ہیں 

ملاقاتیں مسلسل ہوں تو دلچسپی نہیں رہتی 

بے بے ترتیب یارانے حسیں معلوم ہوتے ہیں 

جوانی نام ہے اک خوبصورت موت کا ساقی 

بھڑک اٹھیں تو پروانے حسیں معلوم ہوتے ہیں 

وہ مے کش تیری آنکھوں کی حکایت سن کے آیا ہے 

جسے ہر وقت پیمانے حسیں معلوم ہوتے ہیں 

اداسی بھی عدم احساسِ غم کی ایک دولت ہے 

بسا اوقات ویرانے حسیں معلوم ہوتے ہیں

سید عبدالحمید عدم