تجھ سے اب اور محّبت نہیں کی جا سکتی ۔ ۔ نوشی گیلانی

تجھ سے اب اور محّبت نہیں کی جا سکتی

خُود کو اِتنی بھی اذیت نہیں دی جا سکتی

---

جانتے ہیں کہ یقین ٹُوٹ رہا ہے دل پر

پھر بھی اب ترک یہ وحشت نہیں کی جا سکتی

---

حبس کا شہر ہے اور اِس میں کسی بھی صُورت

سانس لینے کی سہولت نہیں دی جا سکتی

---

روشنی کیلئے دروازہ کھُلا رکھنا ہے

شب سے اب کوئی اجازت نہیں لی جا سکتی

---

عشق نے ہجر کا آزار تو دے رکھا ہے

اِس سے بڑھ کو تو رعایت نہیں دی جا سکتی

---

نوشی گیلانی